Skohtervuodjima beaktilisbearráigeahčus lobihisvuođat ja okta gárren vuoddji

612541203_640x360

Meahciráđđehus meahccebearráigeahčču ja boles válde mánu molsašumis skohtermáđijaid olggobeale guovlluid beaktilis bearráigehččui. Luottaid olggobealde ledje 60 skohtervuoddji, main oassi lei jođus almmá lobi ja okta oaivvesnaga. Olbmot besse čuovvut bearráigeahču dovdduid Meahciráđđehusa Eräluvat-instagramis @eraluvat.

Beaktilis bearráigeahčču lei Giehtaruohttasis, Pyhä-Luosto guovllus, Davvi-Sámis sihke Giemajávrri ja Roavvenjárgga gaskkas. Giehtaruohttasis bearráigeahččit gárte sáhkohit máŋggaid norgalaččaid lobihis skohtervuodjimis. Davvi-Sámis deive ovtta gárrenvuoddji ja okta skohtervuoddji oaččui sáhku vuodjimis almmá suodjegahpira

Meahccejohtaluslobiid lassin Meahciráđđehusa meahccebearráigeahččit ja boles dárkkistedje guolástanlobiid ja meahcástanlobiid máŋggain rievssatbivdiin.

Bissu mielde skohteris

Eanodagas okta rievssatbivdi oaččui sáhkuid sihke lobihis meahccejohtalusas ja bissofievrridanmearrádusaid rihkkumis meahcis. Su meahcástanlohpi lei ortnegis, muhto meahccejohtalussii luottaid olggobealde ii lean eanaeaiggáda lohpi iige bissu fievrriduvvon áššáigullevaš njuolggadusaid mielde.

Meahccebearráigeahčču lea áican meahcásteaddjiid boastut jurddašit, ahte bissu fievrrideapmi meahccejohtalusas livččii šaddan oalát lobálažžan. Bissu sáhttá fievrridit suoji siste ovdamearkan jieŋa alde, luotta alde, idjadanbáikái sirdašuvadettiin dahje rihtáid dárkkistettiin. Dát meahcásteaddji goittotge fievrridii bissu skohtera mielde meahcástandárkkuhusas, dahjege čuoigalii rievssatluottaid oainnedettiin ja bivdigođii.

Meahciráđđehusa viiddit meahccebearráigeahččoraporta mannan jagiin almmustahtto bearjadaga 5.4. meahccedoaimmaheaddjibeivviin Hämeenlinnas.